Дали пребарувате на Интернет за болести веднаш штом ќе покажете најмали симптоми? Некои се особено драматични кога станува збор за нивното здравје – а според астрологијата, можеби нивниот хороскоп е тој што ги испраќа да трчаат кај лекар.
Рак
Раковите се познати по прекумерната фантазија.
– Имагинацијата на овој чувствителен знак може да ги наведе да веруваат дека се болни иако не се – објаснува астрологот Кристал Кели Грејсон. Постојано се загрижени за своето здравје и често одат на лекар за ситни болести кои лесно може да се лекуваат дома.
Раковите сакаат да се грижат и за другите, па со задоволство ќе направат супа за болен пријател. Лошата страна е што тие потоа ќе почнат да се грижат дека можеби се заразиле со инфекција од нив.
Риба
Овој емотивен знак делува како сунѓер и го апсорбира она што другите луѓе го чувствуваат. За жал, ова може да се одрази и на болеста.
„Рибите се многу чувствителни и сочувствителни и често ги преземаат товарите на другите“, вели Грејсон, додавајќи дека тоа може да ги наведе да веруваат дека се болни, а всушност само сочувствуваат со туѓата болест.
Иако нема ништо лошо во сочувството, тоа може да биде тешко за Рибите.
– Рибите живеат со постојаното досадно чувство дека имаат мистериозна болест – вели астрологот и духовен тренер Тара Бенет. И навистина станува проблематично кога поминуваат часови и часови обидувајќи се да сфатат што не е во ред – кога сè е во ред.
Стрелец
Стрелците имаат тенденција да размислуваат за сè, вклучувајќи ја и нивната физичка состојба.
„Ова може да ги натера постојано да се грижат за своето здравје, што пак може да предизвика да станат параноични и опсесивни“, вели Грејсон.
Од друга страна, Стрелецот е исто така прилично несовесен знак, па дури и да не им е добро, ретко ќе побараат лекарска помош. Ова не е здрава комбинација.
Јарец
Овој знак постојано се стреми кон совршенство.
- Ова може да ги наведе да веруваат дека се болни кога всушност се сосема добро – објаснува Грејсон. Но, поради нивните вредни ставови, Јарците не сакаат ништо да им пречи на успехот, вклучително и болеста.
Подобро да одат на работа отколку да прескокнат работен ден и да одат на лекар.
- Јарците изгледаат прибрано, но внатре се неверојатно песимисти и ќе страдаат во тишина, гуглајќи ги своите симптоми во приватноста и сами се дијагностицираат – вели Бенет. Со тоа тие стануваат поподложни на влошување на симптомите со текот на времето, што на крајот може да доведе до уште повеќе болни денови.
Скорпија
Скорпиите имаат тенденција да бидат интензивни за сè, вклучувајќи го и нивното здравје, и се познати по тоа што се прилично таинствени.
- Скорпиите се исто така многу сомнителни и можеби веруваат дека нивните симптоми се предизвикани од нешто злобно – советува Грејсон. Ако Шкорпијата не се чувствува добро, можеби нема да го каже тоа директно, но ќе навести и ќе се жали на збунувачки симптоми, сето тоа во обид да ’сфатат’ кој би можел да им наштети.
Девица
Девиците треба да го направат своето истражување. Штом макар и малку закашлаат, веднаш одат на Гугл.
– Девиците се исклучително ориентирани кон деталите и имаат тенденција да ја забележуваат секоја мала промена во нивното тело – објаснува Грејсон. Бенет додава дека дури и докторот да им каже дека не е ништо, тие ќе продолжат да истражуваат и да се убедуваат дека се заразиле со ретка и смртоносна болест.
И ако имате Девица покрај себе, тие ќе ве третираат на ист начин, повикувајќи ве да одите на лекар без разлика дали имате каснување од инсект или мала температура.
