Синот на познатите актери Кетрин-Зета Џонс и Мајкл Даглас, дипломирал политички науки на престижниот универзитет Brown.
Познатата актерка Кетрин Зета-Џонс на Инстаграм објави емотивна фотографија со својот 21-годишен син Дилан.
Имено, Дилан дипломирал политички науки на престижниот универзитет Brown во државата Род Ајленд, а славната мајка го пофалила успехот на својот син.
„Дипломираше ,честитки за моето момче, мојата гордост, мојата радост, Дилан. Неописливо сум горда на тебе и те сакам повеќе отколку што може да се опише со зборови“, напиша актерката покрај фотографијата на која е во прегратка со нејзиниот син.
Холивудскиот пар Кетрин-Зета Џонс и Мајкл Даглас се во брак од 2000 година, а заедно имаат две деца: 18-годишната ќерка Керис и 21-годишниот син Дилан.
Двојката ја делат 25 години разлика, а 77-те години на Мајкл се повеќе од видливи на неговото лице, па не недостигаат критики на социјалните мрежи.
Но, тоа очигледно не ја нарушува нивната брачна среќа бидејќи секогаш изгледаат среќно и заљубено како пред повеќе од 20 години кога го кажаа судбоносното „да“. Напротив, тие имаат еден од најдолгите бракови во Холивуд и хармоничен и топол однос со децата.
Заедничките фотографии покажуваат како младата Керис ја наследила убавината од мајка си, а во 2019 година снимиле и заедничка модна кампања за Fendi во Рим. Оттогаш, обожавателите на „Даглас династијата“ Карис предвидуваат успешна кариера во модната индустрија.
Сепак, добро познатото презиме не и носело секогаш среќа. Како што еднаш откри за магазинот Town And Country, на училиште трпела исмејување од врсници, особено поради возраста на нејзиниот татко.
