На типичен Том Круз начин. Вака би можела да се опише премиерата на долгоочекуваниот (и постојано одложуван) филм „Top Gun: Maverick“. Не го сакаа традиционалниот црвен тепих на булеварот Холивуд. Наместо тоа, во пресрет на светската премиера во Кан за неколку недели, „Paramount“ акцијата ја претстави во Сан Диего, на поранешниот носач на авиони USS Midway – на кој Круз слета со хеликоптер.
Што и да размислувате за карактерот на Том Круз – ова вистински потег за акциона ѕвезда.
Актерот, кој инаку има лиценца за хеликоптер, во голем манир слета на црвениот тепих, пречекан од армија возбудени обожаватели, шегувајќи се дека убер превозот бил втор начин, но многу едноставен избор.
За да биде уште подраматично, премиерата била придружувана борбени авиони, униформирани луѓе и големи ѕвезди на овој филм.
Поминаа 35 години од оригиналниот филм „Top Gun“, а продолжението се дискутираше цела деценија, изјави продуцентот Џери Брукхајмер. Режисерот Џозеф Косински им ја претстави приказната за Маверик на Круз и креативниот тим, заедно со идејата за постер и изглед, и „откако заврши, Том го извади телефонот и се јави на Paramount и додаде: „Правам уште едно продолжение“, изјави Брукхајмер за Холивуд Репортер.
Покрај ѕвездената екипа на нови пилоти – вклучувајќи ги Мајлс Телер, Глен Пауел, Луис Пулман, Џеј Елис, Моника Барбаро, Дени Рамирез и Грег Тарзан Дејвис – филмот ќе го одбележи враќањето на еден од омилените на оригиналот, Вал Килмер.
– Том изјави: „Нема да снимам филм без Вал“ и секако моравме да разговараме со Вал; беше подготвен, ни помогна да направиме сцена – се присетува Брукхајмер актер кој го загуби гласот по борбата со ракот на грлото.
– Беше многу емотивен ден – повторно ги видовте Маверик и Ајсмен на екранот по 36 години.
Што да се каже освен – едвај чекаме. Во меѓувреме, погледнете го трејлерот:
