Патрик Свејзи помина 34 години во брак со Лиза Ниеми, а за нивната врска и функционирање највеќе се слушаше за време на неговата болест.
Не е тајна дека ѕвездата на „Валкано танцување“ Патрик Свејзи беше миленик на многу жени, но тој имаше очи само за една – Лиза Ниеми.
Неговиот живот се променил кога имал 20 години и кога првпат ја видел Лиса Ниеми, која тогаш имала само 16 години, а со која на крајот поминал 34 години во брак.
Нивната љубовна приказна потсетува на онаа од „Dirty Dancing“ затоа што започнала во школата за танц каде Лиза се запишала на часови по танц, која ја водела никој друг туку мајката на Патрик, Петси. И покрај тоа што тогаш беа многу млади, тие веќе чувствуваа нешто силно еден за друг, како невидлива врска што не можеа да ја опишат.
„Излеговме на сцената, го погледнав во очи и одеднаш се чинеше дека сè оживува“, се присети Лиза на нивниот прв настап, иако тој мораше да работи напорно за да ја освои.
Патрик во неколку наврати изјавил дека Лиза го шармирала на прв поглед, а тоа го кажувал се до неговата смрт во 2009 година, кога починал од рак на панкреасот.
“Знаев дека таа е најпаметната девојка што сум ја сретнал во животот. Никогаш порано не сум сретнал некој како неа”, рекол Патрик во интервју за магазинот People во 2007 година.Можеби е тешко да се замисли дека толку посакуваниот ерген, каков што беше Патрик, ќе мора да работи напорно за да ја освои девојката што му се допаѓа, но како што се испостави, Лиза Ниеми навистина не беше како другите девојки. Пет години подоцна, на 12 јуни 1975 година поточно, парот се венчал и останал во брак до последниот ден од животот на Патрик.
Лиза му беше голем поддржувач во текот на неговата кариера, му помагаше со иконските танцови сцени од „Валкано танцување“, а го инспирираше и за неговата балада „Таа е како ветер“. Тие глумеа заедно во филмот „Последниот танц“, кој самата Лиза го напиша и режираше. Покрај тоа, тие воделе градежна компанија, одгледувале коњи на ранч во долината Сан Фернандо. Тие живееле речиси идиличен живот, додека не ја дознале шокантната вест.
Беше во март 2008 година кога на актерот му беше дијагностициран рак на панкреасот, кој веќе беше во четврта фаза, по што нивниот живот се сврте за 360 степени.
Лиза признала дека се чувствувала ужасно поради дијагнозата и болеста на нејзиниот сопруг.
„Бидејќи се боревме за неговиот живот во тие моменти, си реков дека можам да се скршам, можам да плачам, да паничам, но не тогаш. Донесов одлука дека ќе бидам таква каква што треба за да го направам да се чувствува подобро“, рече таа во една прилика.
За неа тоа значеше да се биде покрај него во сите можни моменти. Го држеше за рака, го носеше на прегледи, му даваше лекови, дури и се едуцираше за неговата состојба и болест.
„Зедов опширни белешки за сè бидејќи знаев дека тој не е единствениот пациент на неговите лекари и морав сама некако да придонесам за неговото здравје. Посветете му се на начин на кој никој друг не може“, откри таа во интервјуто. .
И покрај тоа што направи се што е во нејзина моќ за да му помогне на Патрик, најлошото допрва требаше да дојде. На 14 септември актерот почина во нивната семејна куќа.
„Мислев дека во текот на 22-те месеци колку што траеше болеста, ќе имам доволно време да се навикнам на идејата да го изгубам. Но, кога всушност се случи, тоа беше огромна и неопислива болка. Се чувствував како да ме прегазил камион“, призна Лиза.
Но, последните зборови што ги размениле со Патрик оставиле неизбришлива трага врз неа и влијаеле на нејзините идни врски, кои ги опишала во своите мемоари „Worth Fighting For“ од 2011 година и открила дека последното нешто што и рекол е да ја сака.
Жалам што не му кажав доволно пати дека го сакам во тие 34 години“, заклучила тажно после се.
По неговата смрт, Лиза најде нова љубов со златарот Алберт Де Приско, кој ја запроси. Во едно од интервјуата изјавила дека го сонувала Патрик еден месец пред свадбата и тоа го сфатила како негов благослов и охрабрување да продолжи со животот.
Но, само десет години по смртта на нејзиниот сопруг,Лиза најде сила јавно да проговори за нивната врска и љубов, но и за некои непознати детали од животот на актерот, во документарниот филм „Јас сум Патрик Свејзи“. Во него таа, меѓу другото, откри дека нејзиниот покоен сопруг како дете бил жртва на малтретирање од страна на неговата мајка која го тепала до својата 18 година, но дека подоцна успеал да изгради здрава врска.
Патрик и Лиза никогаш не станаа родители, а таа имаше спонтан абортус во 1990 година, што му го скрши срцето затоа што сакаше да стане татко повеќе од се. Ова се случи меѓу две големи трагедии кои го потресоа нивното семејство, бидејќи во 1982 година татко му починал од срцев удар, а во 1994 година животот си го одзела неговата сестра Вики.
Сето тоа го доведе актерот до зависност од алкохол, што се одрази на неговиот деловен и приватен живот. Дури и во 2003 година, тој и Лиза биле на работ на развод, но тие побарале помош од психијатар кој наводно им помогнал да заздрават од врска отруена од недоверба и горчина.
Двојката се смири во 2004 година и успешно ја надмина тешката ситуација и продолжи да се сака се до кобниот есенски ден кога Патрик почина, а Лиза остана сама.
Сепак, повеќе се дозна за неговиот однос со сопругата во деновите на неговата болест.
Патрик наводно бил во домашен притвор, а неговата сопруга Лиза, која го навредувала и го изневерувала, го оставила да умре во најлошата тортура, нечистотија и болка.
Овие шокантни обвинувања ги упати еден од најблиските пријатели на ѕвездата од „Валкано танцување“.
Свејзи почина во 2009 година на 57-годишна возраст по битка со рак на панкреасот. Во последните месеци од животот, ситуацијата му ја отежнала сопругата Лиза, која му дозволила на актерот да падне на само околу 40 килограми, па дури и ги спречила мајка му и пријателите да го посетат.
„Тој ја сакаше со целото свое срце, но тоа беше навистина врска љубов-омраза. Таа ќе го удреше,а тој ќе удреше по ѕидовите и мебелот. Се расправаа, а знаеја да уништат хотелски соби, автомобили.Тоа беше насилна врска“, рече пријател кој ја обвинува вдовицата на Патрик дека го запоставувла нејзиниот сопруг.
Инаку, неговиот брат Дон се грижеше за Патрик кога и да можеше, но кога го немаше, се беше препуштено на Лиза.
„Лиза ќе ја немаше со часови, а кога ќе дојдеше Дон, ќе го најдеше брат му како лежи во урина и измет бидејќи не можеше сам да стане“, додава пријателот.
Пријателката на Патрик од детството, Шарлот Стивенс, рече дека го повикала актерот да ја напушти сопругата со која се оженил во 1975 година, ако не поради друга причина, тогаш поради огромните афери за кои знаеле нејзиното семејство и пријателите.
Два месеци пред смртта на Патрик, Лиза го остави семејството без зборови кога им забрани на сите да го гледаат и посетуваат актерот, вклучително и неговата мајка Петси.
Во тој период Свејзи потпишал тестамент во кој целото свое богатство од 40 милиони долари го оставил на Ниеми.
