Американскиот актер Џејсон Момоа (43) изминативе години не воодушевува како „Аквамен“ и Данкан Ајдахо во „Дина“, но во срцата на публиката – особено женскиот дел – тој секогаш ќе биде Кал Дрого од „Игра на тронови“. “.
Популарниот актер со оваа улога го привлече вниманието на светската јавност, а таа му ја донесе и титулата за најпосакуван маж на светот. Како што минуваат годините, Момоа го задржува тој статус, поради што неговото последно телевизиско појавување беше вистинско уживање за жените.
За време на гостувањето во шоуто на Џими Кимел, Џејсон зборуваше за неговата неодамнешна објава на Инстаграм каде позира топлес додека лови риба и истакна дека не ужива да носи многу облека на него.
- Всушност, веќе не сакам ни да носам облека – објасни актерот.
Тој се осврна на тоа дека на некои фотографии носи традиционално хавајско мало парче што наликува на долна облека, во задниот дел има форма на танга, додека кратко парче ткаенина паѓа од напред.
- Во него сум секој ден, постојано го носам – рече Момоа и за да докаже се соблече.
Remember when Twitter was on a soapbox about objectifying Jason Momoa after the picture of him fishing in a malo came out? Last night he stripped down to it on national television. pic.twitter.com/Of4e52HvEk
— Chadwick (@ohchadwick) November 10, 2022
Откако го изненади водителот и ја воодушеви публиката, Џејсон го објасни својот необичен избор на облека. Како што истакна, моментално ја снима новата серија „Воен шеф“ и треба тенот да му биде исончан.
– Се подготвував за улогата и за да „влезам“ во ликот – изјави Момоа.
