„Тешко е да се каже дека не жалиш за ништо. Минувате низ многу искуства во животот, а јас секогаш се обидував да живеам живот без жалење. Мислам дека постигнав мирен живот. Имам сè што некогаш сум посакувала, а тоа е прекрасно семејство со прекрасни деца и прекрасни внуци “, изјави познатата актерка за Радио Тајмс и додаде:„ Единствено за што жалам е што никогаш не се омажив во бел фустан. Тоа беше мојот животен сон, кој сè уште е во мене“.
Софија се омажи за Карло Понти во 1966 година и со него имаше два сина, Едоардо (47) и Карла (51). Сепак, нивната романса наиде на пречки, затоа што Карло, според италијанскиот закон, не можеше да се разведе од својата прва сопруга Џулијана Фиастри. За љубовта на својот живот, сè омажила, само кога станала француски државјанин.
Филмскиот продуцент, со повеќе од 140 наслови, почина во 2007 година по 41 година брак со Софија. Сепак, холивудската икона која верува дека „никогаш не би можела да живее без да сака“, категорично ја отфрла мислата да го исполни својот животен сон и да зачекори во бел фустан, бидејќи има деца и внуци.
Пред бракот со Понти, Софија била во љубовна врска со Кери Грант, холивудската sвезда со која го сними филмот „Гордост и страст“ во 1957 година.
Во тоа време Софија имала 23 години, а Кери, кој бил во трет брак со сопругата Бетси Дрејк за време на нивното познанство, бил повеќе од 30 години постар од неа.
„Имавме навистина убава врска, но јас имав 23 години и Кери беше многу постар од мене. Кога имате 23 години, идеите за љубовта не ви се многу јасни и не знаете што правите. Тоа беше мојот прв американски филм и тогаш многу работи се случуваа во мојот живот, но во Италија го запознав Карло Понти и се заљубив во него“, изјави Софија и призна дека се борела со изборот помеѓу двајца мажи, но, од љубовта на нејзиниот живот не можела да се откаже.
„Не сакав да се откажам од љубовта на мојот живот затоа што снимав филм со голема ѕвезда“, изјави Софија, побивајќи ги тврдењата дека го одбила предлогот на Грант.
„Тој не ме запроси. Работевме заедно на мојот прв американски филм „Гордост и страст“, заедно со Френк Синатра. Кери Грант беше многу убав човек и прекрасен актер, но тој не ме запроси. Мислам, како може да предложиш некого додека снимаш филм? Тоа е невозможно“, додаде актерката и открива дека таа и Грант често пишувале писма и имале долго, прекрасно и цивилизирано пријателство.
