Парис Хилтон објави прекрасни вести на нејзиниот 40-ти роденден, а американскиот печат ги пренесе вестите со брзина на светлината, за кои многумина веруваат дека не е „ништо ново“. Имено, богатата наследничка и оваа зима, како и во 2018 година, реши да му каже „да“ на нејзиниот сега веќе нов избраник. Овој пат, после толку веридби, дали навистина е тој вистинскиот, многумина се прашуваат?!
Имено, Парис Хилтон веќе некое време е во емотивна врска со нејзиниот долгогодишен пријател Картер Реум, а за тоа колку се среќни зборува и фактот дека едвај чекаат да се остварат во улогата на родител.
- Минатата година, која беше обележана со вирусот корона, забрза многу работи. Како некој што патувал постојано, имав можност да бидам во мојот дом и да преиспитам што е всушност најважно за мене. Мојата врска и времето поминато со Картер ми се подарок. Многу сум возбудена што следува нашето следно поглавје од животот – изјави Парис за People и дозволи јавноста да ги види деталите на свршувачката.
Во нејзиниот документарец на каналот „Јутјуб“, Парис неодамна откри дека заедно решиле да сакаат деца, и тоа близнаци. Таа призна дека ги замрзнала јајцата и дека не сака да ја пропушти можноста да стане мајка. Нејзиниот следен чекор е ин витро оплодување.
- Навистина сум возбудена затоа што го правам следниот чекор во мојот живот. Конечно имам вистински живот. Верувам дека да се има семејство и да има деца е смислата на животот, а тоа сè уште не сум го доживеала, бидејќи не чувствував дека некој заслужува таква моја љубов. Сега конечно најдов личност со која можам да постигнам сè – изјави богатата наследничка, која исто така не откри дали има проблем природно да остане бремена.
