Алесандро ди Маријано ди Вани Филипепи, познат како Сандро Ботичели, бил италијански сликар од раната ренесанса…
Некои од неговите најпознати дела се „Раѓањето на Венера“ и „Пролет“, обете се наоѓаат во галеријата „Уфичи“ во Фиренца. Сега, 550 години подоцна, на аукција се појави портрет на Сандро Ботичели на богат и убав млад човек, познат како „Млад човек со рондел“, со проценета вредност од 80 милиони долари.
Ова е посебна пригода за аукциската куќа Sotheby’s , бидејќи повеќето дела на Ботичели можат да се видат само во музејски колекции. Портретот, наводно, бил дел од колекцијата на Лордот Нубороу во раните 30-ти години на минатиот век, за потоа да се продаде на сегашниот сопственик по цена од 30 милиони долари. Овој портрет неколку пати бил гостин на Националната галерија во Лондон, Музејот на модерна уметност во Њујорк, Националната галерија на Вашингтон и Музејот Стадел во Франкфурт.
Според наводите, можеме да видиме член на семејството Медичи на сликата за која зборуваме, а како што дознаваме, уметничкото дело ќе се најде на аукција во јануари следната година.
