Пријателите, како актерката Маргот Роби, се обидуваат да и помогнат, но манекенката не сака да оди на рехабилитација.
Се чини дека на актерката и модел Кара Делевињ и е се полошо – таа не се ни појави на својот важен настан на модната недела во Њујорк. Како една од музите на Карл Лагерфелд, таа дизајнираше унисекс колекција со уметничкиот директор на модната куќа Chanel.Тоа беше еден од последните проекти на кои дизајнерот работеше пред неговата смрт во 2019 година, а бидејќи колекцијата беше лансирана овој месец, моделот требаше да присуствува на настан во Њујорк, организиран во чест на големиот дизајнер и нивната соработка. Но, таа не дојде, пишува Newsweek. Да не беа нејзините неодамнешни шокантни фотографии во мизерна состојба, многумина ќе ја обвинат за тоа, но нејзините колеги од Chanel се загрижени.
Сите што ја познаваат се прашуваат што се случува со неа? Блиската пријателка на Кара Маргот Роби е видена како го напушта домот на манекенката во Лос Анџелес. Била многу загрижена и тажна, пренесува Page Six. Холивудската актерка и другарките на друга манекенка наводно организирале неколку интервенции за да ја убедат да оди на рехабилитација.Ситуацијата станува се посериозна. Познато е дека манекенката пиела премногу, а сега станува збор и за дрога: сите се плашат дека таа станала зависна од хероин или уште полошо од комбинација на алкохол и тешки опијати. Кара, пак, е убедена дека нема никаков проблем.
Таа се однесува како нејзината мајка, Пандора Делевињ, членка на англиското високо општество која со години се бори со зависноста од хероин, кокаин и којзнае што (наводно од својата 18-та година). Сега се верува дека е излечена, но нејзината ќерка е во животна опасност. Наместо да се грижи за Кара,таа им дозволува на нејзините очајни пријатели да ја извлечат од неволја. Ниту Попи сестрата на Кара ја нема наоколу. Многумина се прашуваат зошто нејзиното семејство ја игнорира?
