Според извори, Џенифер Лопез и Бен Афлек се венчале пред неколку дена во хотелот Риц-Карлтон.
Деновиве странските медиуми шпекулираат дека Џенифер Лопез наводно на приватна церемонија се омажила за холивудскиот актер Бен Афлек. Познатиот пар кој ја обнови врската по 20 години неодамна се сврши, а сега се наведува дека се венчале. За овој важен ден Џенифер и Бен избраа локација од бајките скриена од љубопитните очи и медиумското внимание.
Тоа е хотелот Риц-Рејнолдс опкружен со бујни врвови на дрвја со фантастичен поглед на езерото Окони, Џорџија.
Дека церемонијата навистина се одржала потврдиле и хотелските работници кои додале дека вработените, но и гостите на свадбата морале да потпишат договор за доверливост.Фотографиите од церемонијата се уште не се достапни за јавноста, но се шпекулира дека парот ги продал на магазин, кој ексклузивно ќе ги објави во следните неколку дена.
Исто така, списокот на гости не е познат, но се споменува дека меѓу нив бил и поранешниот сопруг на латино дивата – Марк Ентони, со кој Џенифер доби близнаци, а со кој се уште е пријател.
Многумина коментираа дека „Бенифер“ го повторил „сценариото“ од пред речиси 20 години, кога ги измамиле медиумите за да ја задржат венчавката во тајност. Тогаш дури организираа статисти кои ќе ги глумат Бен и Џенифер, додека тие судбоносно кажуваат „да“ на друга локација.
За жал, поради преголем притисок, нивната врска пропадна само 4 дена пред свадбата. Сега се вели дека овој пат целата приказна ја одработиле до крај и тоа далеку подобро од првиот пат.
