Легендарниот британски бенд „Квин“ реши да ги изненади своите фанови на необичен начин. Гитаристот Брајан Меј и тапанарот Роџер Тејлор најавија издавање на играта „Квин“ за мобилни телефони.
Така, „Квин“ стана еден од првите бендови со нивната официјална игра. Идејата е да се одбележи 50-годишнината од основањето на славниот бенд. Играта „Queen: Rock Tour“ е веќе достапна за преземање. Објавувањето на оваа игра се совпаѓа со 50-годишнината од основањето на бендот и ќе и даде можност на публиката да се забавува и да се потсети на најважните моменти од историјата на групата.
Фановите можат да изберат дали во играта ќе го прифатат аватарот на Фреди Меркјури, Роџер Тејлор, Брајан Меј или он Дикон. Тој ќе го следи бендот преку 10 историски настапи што ја сменија историјата на рок-музиката.
Играта ги нуди 20-те најголеми хитови на бендот, како што се „Bohemian Rhapsody“ или песните „Don’t Stop me Now“, „We Will Rock You“ и „Radio Ga Ga“. Доколку играчите постигнат одреден успех и ги завршат задачите, ексклузивни фотографии и содржини се отклучуваат како еден вид на награда.
