Кој рекол дека кучето е најдобар пријател на човекот, веројатно бил во право!
Сајмон Кауел, член на жирито и продуцент на шоуто „Јас имам талент“, е голем љубител на животни и решил зад себе да остави мега богатство од над 26 милиони долари во засолништата за кучиња, а тоа го напишал и во тестаментот.
Надевајќи се дека ќе покрие „сè што треба“ во својот тестамент, Кауел призна дека ќе донира 26 милиони долари во добротворни цели, во засолништа за кучиња, вклучително и Dogs Trust, K9 во Барбадос и Battersea Dogs Home во Лондон.
Коментирајќи ја својата одлука, музичкиот магнат изјави: „Тамаментот опфаќа сè за што се грижам, како и добротворните организации што ги поддржувам. Видете, до неодамна не напишав тестамент затоа што никогаш не мислев дека ќе умрам“.
Сајмон Кауел, исто така, откри дека пишувањето на неговиот тестамент било „една од најдепресивните работи“ што некогаш ги направил, но дека фактот што го направил му донел мир.
Одлуката да се напише тестамент доаѓа откако пред неколку месеци 62-годишната ѕвезда „Јас имам талент“ доживеа трагична несреќа со велосипед, во која ја повреди раката.
