Археолозите пронајдоа неколку камени дупки во Велс кои ги следат контурите на круговите, во кои веројатно се наоѓале столбовите на Стоунхенџ.
Стоунхенџ е една од најпосетуваните туристички атракции во Велика Британија и еден од најпознатите енигматични светски споменици во светот. Луѓето доаѓаат од целиот свет за да ги видат камените столбови, така што неизбежни се прашањата како, зошто и кога биле поставени.
Станува збор за голем камен круг од неолитската ера и според легендата, волшебникот Мерлин ги однел неговите луѓе во Ирска, со цел да пренесат големи камени кругови во спомен на неговите мртви. Ова ново откритие ни кажува дека можеби сè уште има одредена вистина во таа приказна.
„Го истражував Стоунхенџ 20 години и ова е највозбудливото нешто што некогаш сме го откриле“, изјави за Гардијан Мајк Паркер Пирсон, од Универзитетскиот колеџ во Лондон.
Обемот на пронајдениот круг е 110 метри – идентичен со случајот со Стоунхенџ, а оддалечени се 225 километри. Научниците сега се прашуваат дали е навистина можно некој да носел камени споменици на толкава далечина.
Со оглед на тоа дека една од дупките одговара на еден од камењата од Стоунхенџ „како клуч на брава“, како што рече еден од археолозите, навистина е можно Стоунхенџ да потекнува од Велс, а потоа некако да се пресели во Англија, односно во Вилтшир , каде што е сега.
