Актерката Шерон Стоун објави дека започнува нова борба – откри дека има тумор.На 14 години ја удри гром, во 2001 година преживеа тежок мозочен удар, претрпе малтретирање, а сега и е дијагностициран тумор кој треба што поскоро да се отстрани. Актерката Шерон Стоун на Твитер објави дека и била погрешна дијагнозата и дека започнува нова борба за своето здравје.
“Само што имав уште една погрешна дијагноза и неправилна процедура. Овој пат двојна епидурална. Како што се влошуваше болката, отидов на друго мислење: имам голем фиброиден тумор кој треба да се отстрани. Особено за вас дами не се однесувајте како да не е важно, добијте второ мислење. Тоа може да ви го спаси животот. Ќе ми требаат четири до шест недели целосно да закрепнам. Ви благодарам на сите за грижата, се е во ред“, рече актерката.
Фиброидните тумори се цврсти тумори кои се направени од фиброзно ткиво, па оттука и името „фиброиден“ тумор. Најчесто, фиброидите се појавуваат како повеќе туморски маси кои растат бавно и често не предизвикуваат симптоми. Фиброидите се неканцерозни израстоци кои се развиваат во или околу матката. Израстоците се состојат од мускулно и фиброзно ткиво, а големини се различни. Тие понекогаш се познати како фиброиди на матката. Многу жени не се свесни дека имаат фиброиди бидејќи немаат никакви симптоми.
Да потсетиме, Шерон на 14-годишна возраст ја удри гром, а кога во 2001 година доживеа тежок мозочен удар, лекарите и дадоа само еден процент шанса за преживување. Таа неодамна се отвори за нејзината борба да има деца и откри дека имала девет спонтани абортуси. Убавицата од екранот која ја паметиме од „Ниски страсти“ сега ја чека нова битка.
