Џиџи Хадид и Зејн Малик беа фотографирани за време на прошетка низ Њујорк, како семејство со нивната новородена ќерка Каи.
За таа пригода, Џиџи реши да облече блејзер во пригушена портокалова нијанса од брендот Lesianebo, бел top и фармерки Good American. Стајлингот е надополнет со жолти чорапи, кожни патики, овални очила за сонце, црвена и црна шарена марама околу вратот и црна заштитна маска.
Еднакво лежерна облека избра и Малик. Поточно, тој на себе имаше црна маица, јакна, фармерки, црни чизми и заштитна маска.
Малик неодамна зборуваше за прилагодување на татковството. „Искрено, таа е неверојатна“, рече тој за животот со Каи. „Многу луѓе со кои разговарав, пред таа да се роди, рекоа дека тоа ќе биде голема промена. Но, искрено, таа е неверојатно бебе. За мене и Џиџи беше многу лесно да се прилагодиме. Ни го олесни тоа, бидејќи спие многу добро и го обожава своето млеко. Ние само ја храниме и менуваме пелени. Лудо е и уживам во секој момент “.
