Анџелина Џоли повторно се најде во улогата на режисерка за нејзиниот најнов филм „Без крв“, со заплет сместен во Рим.
47-годишната актерка, по петгодишна пауза, застана зад камерите решително да ја насочи својата колешка и филмска ѕвезда Салма Хајек и на тој начин сними нова драма на локација во близина на легендарниот Колосеум.
Облечена за топлата италијанска клима, таа на сетот се појави во бел топ и бели панталони со широки ногавици. Со додатоци, сламена шапка и очила за сонце таа го заокружи овој летен аутфит со корисни и стилски детали.
Од друга страна, Салма носеше кадифено фустанче во А линија, над кој имаше предимензиониран бел мантил, како и бисерни ѓердани околу вратот – што ни дава индикации за времето во кое драмата ќе се игра.
