Криси Тајген и Џон Леџенд ќе станат родители по трет пат и не ја кријат среќата по сите проблеми кои ги доживеале.
Криси Тајген е позната манекенка која отворено зборува за својата борба и трагичната загуба кога имаше спонтан абортус.
Криси и Џон потоа беа мета на осуда бидејќи им беше многу тешко да се справат со фактот дека нивното бебе е мртво родено. Манекенката потоа објави и видео на кое плаче, а парот му посвети и тетоважи на бебето.
Она што најмногу беше мета на критики и донекаде бизарно е детаљот што нивните две поголеми деца, според Криси, разговарале со бебето и и оставиле чаша вода покрај пепелта.
„Без разлика дали одиме на одмор или нешто слично, Луна и Мајлс секогаш велат: „Не заборавај бебе Џек“. И тогаш морам да го спакувам.“ А потоа кога ќе стигнеме до локацијата, тие се како: „О, Боже мој, тој мора да е жеден.“ Ова може да им звучи лудо на луѓето, но моите деца ставија малку чаша вода до кутијата со пепел. И навистина сакаат да бидат дел од неа“, изјавила Криси.
Криси сега е во поодмината бременост, а многуте позитивни коментари и значат. Таа откри и дека се подложила на ИВФ, бидејќи речиси изгубила секаква надеж и мислела дека никогаш повеќе нема да може да забремени.
– Последните две години беа стресни, во најмала рака, но среќата е повторно на наша страна. По безброј инјекции, кои ги примив и во ногата, како што гледате, имаме уште едно бебе. После секој испит, си велев: „Во ред, ако сè биде добро денес, тогаш ќе излезам во јавноста со тоа што се случува.“ Би ми олеснило кога ќе го слушнам отчукувањето на срцето, но сепак ќе бев многу нервозна поради излегувањето во јавноста. Мислам дека никогаш до сега не сум била понервозна, но се е совршено во ред и има надеж. Се е супер“, напишала Криси под објавата со заклучок дека навистина било тешко да се крие толку долго.
