Само две недели откако направија раскошна и романтична венчавка, латино пејачот и младата убавица објавија дека ќе станат родители.
Познатиот латиноамерикански пејач Марк Ентони (54), поранешен сопруг на Џенифер Лопез, наскоро ќе стане татко по седми пат.
Како што пишуваат американските медиуми, манекенката Надја Фереира (23), неговата нова сопруга, е бремена,а двојката наскоро ќе го добие првото заедничко дете.
Тие самите ја споделија радосната вест на Инстаграм каде на Денот на вљубените објавија фотографија на која го гледаме Марк Ентони како го држи со рака трудничкиот стомак на својата девојка.
– Најдобриот подарок за Денот на вљубените досега. Боже, ти благодарам за овој голем благослов во нашите животи – изјави пејачот и актер.
Сепак, не открија во кој месец од бременоста е Надја и кога треба да се роди бебето.
Инаку, парот се венчаше пред само две недели, кога организираа гламурозна венчавка во Мајами, каде го собраа кремот на Холивуд. Меѓу гостите беа Салма Хаек, Ромео Сантос, Луис Фонзи, Малума и многу други, а невестата изгледаше волшебно во две венчаници на израелската дизајнерка Галија Лахав.
Марк Ентони е веќе татко на шест деца – со Деби Росандо има ќерка Аријана Муниз и посвоен син Чејс Муниз, со првата сопруга Дианара Торес ги има синовите Кристијан и Рајан Муниз, а со Џеј Ло ги има близнаците Ема и Максимилијан.
