Британската музичарка даде интервју за магазинот Elle во кое откри дека е целосно опседната со своето ново момче.
Откако се појавија заедно на кошаркарски натпревар минатиот јули, музичарката Адел и спортскиот агент Рич Пол се позаљубени од кога било. Иако не сакаат да откриваат работи од приватниот живот, Пол неодамна индиректно изјави дека би сакал да има уште деца, а сега Адел конечно проговори за новата врска.
“Никогаш не сум била толку заљубена. Опседната сум со него”, изјавила Адел за магазинот Elle. На прашањето дали би сакала повторно да се мажи, таа одговорила: „Да, апсолутно“, навестувајќи ги нејзините идни планови, кои вклучуваат повеќе деца.
“Дефинитивно сакам повеќе деца. Јас сум домаќинка и матријарх, а стабилниот живот ми помага да правам музика. Но, во моментов, сè што можам да мислам е мојот нов дом во Лас Вегас. Сакам да биде совршен.” изјави Адел.
Адел и Рич извесно време ја криеја својата врска, но откако првпат беа видени заедно во јавноста на натпревар во НБА, Адел објави негова фотографија на својот Инстаграм, потврдувајќи ги гласините.
Двојката ги поттикна гласините за свршувачката во февруари оваа година, откако Адел носеше дијамантски прстен на BRIT Awards, но таа останува недефинирана кога ја прашаа за свршувачката.
„Како некогаш некому да кажам дали сум свршена или не. Но, сепак изгледа убаво, нели?“, рече Адел на шоуто Греам Нортон во февруари.
Таа во март годинава се раздели од хуманитарецот Симон Конецки по седум години брак, во кој го добија синот Анџело.
