Поминаа нешто повеќе од два месеци откако раскинаа Жерар Пике и Шакира, еден од најпознатите парови во светот. Во меѓувреме, пејачката ја напушти Барселона, Шпанија и Европа и се пресели во Мајами, додека Пике остана да се подготвува за новата сезона, која ќе биде многу предизвикувачка за неговиот клуб.
Шпанскиот фудбалер и еден од најважните играчи на Барселона веќе го преболи раскинувањето на врската која траеше со години и шпанските медиуми успеаја да го фатат во прегратките на неговата нова девојка.
Двајцата заедно посетиле музички фестивал, а добро упатени извори велат дека станува збор за Клара Чиа Манти (23), студентка и девојка која работела во компанијата на Пике за да стекне искуство.
Поради фотографиите кои се појавија во јавноста, познатата пејачка се изнервира, а причината за тоа не е само тоа што дефанзивецот на Барса веднаш „пронајде“ 12 години помлада девојка.
Според шпанските медиуми, Шакира збеснала поради тоа! Пејачката и стоперот на Барселона се договориле првата година по раскинувањето да го држат својот приватен живот подалеку од очите на јавноста, но Жерар Пике многу брзо го прекрши тоа правило.
Му требаа само неколку недели да се појави во јавноста со нова девојка. И пред тоа медиумите го поврзуваа со неколку жени, но изгледа дека веднаш по раскинувањето со Шакира, Џерар стапил во врска со Клара.
#Famosos | Es la primera vez que Gerard Piqué (@3gerardpique) y su nueva novia se dejan ver en público tan acaramelados y haciéndose gestos de cariño @socialitet5 #Socialité590 Vía @cronicadirecto https://t.co/04fpRTkgnp
— Crónica Directo (@cronicadirecto) August 20, 2022
Токму овој детал од животот на шпанскиот фудбалер би можел да влијае на нивниот случај на развод. Шакира планира децата да живеат со неа во Мајами во наредните години и дури беше подготвена да му понуди пари на Пике за тоа. Тој не се согласи да ги земе парите, но прекршувањето на договорот може да биде аргумент на Шакира на суд.
