Шпанската легендарна актерка добила високо признание за долгогодишната успешна кариера во њујоршкиот Музеј на модерна уметност. Во склад со поводот – и празничната атмосфера која е се поприсутна околу нас, Пенелопе внела посебен вид на софистицираност на црвениот тепих.
Аутфитот на актерката се состоеше од светло црвен фустан со примеси на сребро во форма на мрежести прерамки кои го красеа горниот дел од фустанот, додека долниот дел се ширеше во обемно здолниште богато со слоеви. Највпечатлив детал од креацијата била големата црвена машна на градите, која на целокупниот изглед му даде совршен финиш како прекрасен спакуван новогодишен подарок.
Во сребрен манир одбрала и модни детали, а носела и „statement“ обетки, кои уште повеќе дојдоа до израз поради лежерната пунџа која Пенелопе ја избрала за фризура. Со црни потпетици со отворени прсти, кои открија црвен педикир, таа ја даде потребната доза на контраст на целиот стајлинг.
47-годишната актерка на оваа специјална вечер ја поддржаа многу колешки како Ребека Хол, Ен Хатавеј, Дајан Кругер и многу други.
