Според јапонската култура, секој има икигаи, што во превод на македонски значи: причина за живеење или поточно: причина за будење. Французите имаат сличен термин raison d’etre, т.е. причината за постоењето. Ако сакате да го одредите вашиот бизнис со икигаи, поставете си ги овие четири прашања по следниот редослед:
1. Што сакаш да правиш? Ова прашање се фокусира на она што е забавно, интересно и мотивирачко за вас. Одговорот може да ви дојде додека размислувате што би направиле кога не треба да се грижите дали ќе заработите пари или како би поминале слободна недела или одмор?
2. Што правиш добро? Ова прашање се однесува на вашите знаења, таленти и вештини. Овие можат да бидат работни места што ги правите во моментов и примате плата за тоа, но и некои други. Наведете ги сите ваши вештини, награди и признанија и задачите на кои се истакнувате.
3. Што му треба на светот од тебе? Ова е можеби најтешкото прашање затоа што треба да разберете што можете да му дадете на светот, вашата култура, вашата заедница или вашето семејство. Запрашајте се, на пример, кои проблеми би сакале да ги решите, што ве мачи во вашата заедница, во која организација би сакале да волонтирате …
4. Што можете да наплатите? Без разлика дали ви се допаѓа вашата работа или не, направете список со работите што сте ги направиле и оние што ги правите во моментов.
Откако ќе одговорите на сите прашања, започнете да барате сличности и преклопувања меѓу нив. Сè што сакате да правите и она во што сте добри ја означуваат вашата страст. Она што го сакате и што на светот му треба, ја означува вашата мисија. Работните места за кои сте платени и за кои сте добри ја означуваат вашата експертиза, професија и вашата професија е комбинација на она што на светот му треба од вас и на што можете да бидете платени.
Идејата е сите четири области (мисија, страст, струка и стручност) да бидат во рамнотежа. Во срцето на овој дијаграм е вашиот личен икигаи. Тој може да биде клучот за вашиот успех и среќа – причината зошто секое утро ќе станувате од кревет со насмевка.
