Дали наскоро ќе ги видиме пејачката и актерот на заедничко појавување?
Последните недели се ширеа гласини во странските медиуми дека холивудското дуо, 34-годишната кантавторка Лејди Гага и 56-годишниот актер Бред Пит ги поврзува нè само пријателство, туку нови детали за наводна романса…
Списанието National Enquirer неодамна објави дека Лејди Гага и Бред се заљубиле додека се подготвувале за нов проект – филмот „Train Bullet Train“ кој се снима во Јапонија. Исто така, дуото наскоро треба да се упати кон Јапонија, за да сè види, дали можат да ја пренесат хемијата што ја имаат во реалниот живот на филмското платно.
Сепак, како што сега пишува „Gossip Cop“, порталот разговарал со извори блиски до главните протагонисти на оваа приказна и овие целосно ги демантирале гласините дека помеѓу пејачот и актерот се случува нешто повеќе од пријателство и деловна соработка.
Инаку, кога во медиумите се појавиле шпекулации за врската помеѓу Лејди Гага и Бред Пит, неименуван извор тогаш раскажа како се случила наводната љубов меѓу двајцата. „Двајцата имаат многу повеќе заедничко отколку што мислат луѓето. Бред отсекогаш бил голем музички љубител. Лејди Гага, пак, стапна во филмската индустрија, а улогата во хитот A Star is Born ѝ ја отвори вратата на актерска славност“, изјави неименуван извор за странските медиуми во тоа време.
