И додека многумина од нас се трудат на секој можен начин да го зголемат своето присуство на социјалните мрежи, легендите како Кристијано Роналдо уриваат рекорди, без да станат од кревет…
Поточно, легендарниот фудбалер влезе во нова книга на рекорди, со 501 милион следбеници на социјалната мрежа Инстаграм. По неговата вирална кампања со брендот Louis Vuitton, која ја направи во соработка со неговиот колега Лео Меси, Роналдо стана првиот човек во светот кој достигна толкав број следбеници.
На виралната фотографија која му помогна да го постигне овој иконски статус, двајца фудбалери играат шах врз ковчезите на Louis Vuitton. Објавата на профилот на Роналдо доби околу 38 милиони лајкови, со 29 милиони лајкови на профилот на Лео Меси.
Кога станува збор за бројот на следбеници, Меси не е далеку од својот колега. Тој има над 376 милиони фанови на Инстаграм, а можеме слободно да кажеме дека тие двајца се единствените спортисти на топ 10 листата на најследени луѓе на Инстаграм.
Коментирајќи го својот неверојатен подвиг, Роналдо изјави: „Мојот живот, мојата кариера, моите мисли, сите тие се заеднички, секогаш. Ти си дел од мојата приказна и постигнавме многу заедно. Повеќе отколку што можев да сонувам. Во секој пост, во секој момент, можам да сметам на вашата поддршка. Ви благодарам!”
Неколку познати личности побрзаа да му честитаат на Роналдо за неговото ново достигнување, меѓу кои и Пирс Морган, водителот на кој Роналдо пред само неколку дена му даде многу контроверзно интервју.
