Џенифер Лопез започна вистинска лавина од коментари по неодамнешното објавување на нејзиниот документарен филм Halftime, во кој откри многу детали од нејзиниот живот.Познатата Џенифер Лопез привлекува внимание на различни начини, а една од најновите вести е дека таа и Бен Афлек тајно се венчале во луксузен хотел.
Џеј Ло како и секогаш е по малку мистериозна, а дополнителна прашина крена инцидентот од пред две години. Имено, откриено е дека Џеј Ло била многу лута што на еден настан морала да ги сподели сцената и времето со Шакира.
Дури и обожавателите на Џеј Ло беа шокирани од тоа колку е арогантна дивата, а сега од нејзиниот документарец дознаваме какво детство имала пејачката, како и каков бил нејзиниот однос со нејзината мајка.
-Имам комплициран однос со мајка ми, постојано се каравме. Го направи тоа што требаше, и поради тоа е силна, но поради тоа е и безобразна. Нè тепаше, нè уби со ќотек – започнала Џенифер.
Да потсетиме, таа има уште две сестри, а нејзината мајка истакнала дека најмногу проблеми имала со пејачката и дека секогаш ги учела да бидат самостојни и силни.
- Не бев совршена мајка, но можам само да кажам дека сè правев имајќи ги на ум нивните најдобри интереси. Сакав да одгледам три девојки за да не зависат од мажи. Не сакав да ги критикувам, туку да им покажам дека можат подобро. Но, Џенифер беше најлоша, искрено, најтешко ми беше со неа – рекла нејзината мајка.
Џенифер Лопез на крајот додала дека поради танцот морала да го напушти домот, бидејќи нејзината мајка инсистирала да го заврши училиштето, а потоа да прави што сака. Сепак, Џеј Ло реши да се посвети на танцот, па на 18 години побегнала од дома.
