Лејди Гага е една од оние музичари од светската музичка сцена која нема што не направила – плејада хитови, го освои Златниот глобус, неколку бестселери кога станува збор за албуми, како и светска музичка турнеја на нејзината листа на достигнувања. Таа едноставно е на врвот во нејзината област на поп-културата, а сега ѝ е укажана извонредна чест да ја пее химната на инаугурацијата на Џо Бајден за 46-ти американски претседател.
Бидејќи беше жесток политички активист кога станува збор за човековите права, беше јасно дека ќе застане покрај Демократската партија и Бајден и Камала Харис, и кога беше поканета да положи заклетва – таа веднаш се согласи и нејзината среќа и ентузијазам беа споделени на социјалните мрежи.
Во величествената креација на европската модна куќа Скиапарели, таа воодушеви со својот стајлинг, а својот изглед го заокружи со позлатен детал од гулаб со маслинова гранка, како симбол на мирот и новите почетоци.
Гага беше видливо трогната, нервозна, но и пресреќна што учествуваше во тој голем момент во американската историја, а својот вонсериски талент само го истакна со модата.
