Актерот Крис Еванс, кој пред неколку дена беше прогласен за најсекси маж на светот за 2022 година од страна на магазинот People, е во среќна врска со португалската актерка Алба Баптиста.
Како што тврди извор за People, парот е во врска повеќе од една година, а „работите меѓу нив се сериозни“. Набргу откако беше објавено дека се заедно, Крис и Алба беа фотографирани како се држат за раце додека се шетаа низ Централ парк.
Алба зборува пет јазици и е ќерка на инженер и преведувач. Во 2018 година, таа изврши хуманитарна работа во сиропиталиште во Камбоџа со фокус на образованието. Минатата година ја доби наградата Shooting Star на Берлинскиот филмски фестивал.
Оваа недела, Еванс беше прогласен за најсекси маж во 2022 година.
“Мајка ми ќе биде толку среќна. Таа е горда на се што правам, но ова е нешто со што навистина може да се пофали”, коментира Крис. Пред Еванс таа титула ја освои Пол Руд.
Пред две години ја загуби титулата поради разголени фотографии
Инаку, Крис Еванс требаше да ја преземе титулата за најсекси маж пред две години, но луѓето од магазинот People сметаа дека е подобро да се почека една година откако актерот случајно објави слика од својот пенис на Интернет. Имено, во септември 2020 година, Еванс случајно прикачи голи фотографии додека се обидуваше да објави видео на Инстаграм.
Еванс брзо ја избриша сликата, но на крајот беше предоцна бидејќи сликите од екранот беа објавени на Твитер, а фотографиите станаа вирални.
