Во секојдневни ситуации, луѓето често се жалат дека често забораваат, што може да биде доста фрустрирачко. Иако се третира како лоша особина, заборавот е всушност знак на интелигенција, тврдат научниците.
Имено, едно канадско истражување покажа дека добрата меморија на мозокот е преценета, и дека нејзината спротивност – заборавот е всушност показател за висока интелигенција.
– Добро е мозокот да заборави не толку важни работи затоа што тогаш може да се фокусира на работи што можат да му помогнат при извршување задачи и донесување одлуки – вели авторот на студијата Блејк Ричардс.
До неодамна, оваа карактеристика се сметаше за човечки недостаток и многу конфликти се јавуваат кога едно лице постојано ги заборава ситниците од секојдневниот живот, но се чини дека не е толку лошо.
– Каква информација ќе се запомни зависи од ситуацијата. На меморијата влијае околината, односно важноста на тоа опкружување. Ако тоа е ситуација што нема да се повтори наскоро, луѓето ќе ја заборават – вели Ричардс.
Како пример, тој ги наведува работниците во супермаркетите кои гледаат многу различни луѓе во еден ден и можеби никогаш повеќе нема да ги видат – овие луѓе едноставно нема да бидат врежани во нивната меморија.
“Од друга страна, имаме еден келнер во едно локално кафуле што ќе се сеќава на луѓето кои доаѓаат кај него повеќе од еднаш. Очигледно е најдобро да чувате спомени од тоа дека не се сеќавате на апсолутно сè, забележува тој, додавајќи:
Ако се обидувате да донесете одлука, тоа ќе биде невозможно затоа што вашиот мозок постојано е бомбардиран со бескорисни информации. Луѓето со добра меморија честопати се идеализираат, но поентата на запомнување е да запомнат ситуации што се важни за животот“.
