Портрет насликан од познатиот ренесансен сликар Сандро Ботичели кон крајот на 15 век ќе се најде во јануарската аукција на Сотби, Њујорк, а неговата вредност се проценува на 80 милиони долари.
Сликата покажува непознат благородник од времето на ренесансната Фиренца како во раката држи рондела – симбол во кружен облик.
Бидејќи ретко има можност да се купат делата на Ботичели, Сотби се надева дека цената на портретот би можела да надмине 100 милиони долари, а последниот ваков случај го имаше токму оваа аукциска куќа, минатата година, кога сликата на Клод Моне беше продадена за 110 милиони долари.
Според АП, сегашниот сопственик ја купил сликата на аукција во 1982 година, за сума што денес одговара на износот од нешто повеќе од еден милион долари.
Елитниот статус на ова уметничко дело го дава и фактот дека, барем колку што е познато, во светот има само 12 портрети направени од Ботичели.
