Индиската убавица Пријанка Чопра (38) обработила секси снимки за англиското издание на списанието Elle и проговори за нејзината врска со 10 години помладиот сопругот Ник Џонас.
Светска слава Пријанка ја постигна во 2000 година, кога победи на натпреварот „Мис на светот“, а во исто време стана sвезда во нејзината матична земја. Актерката направи серија фотографии за Elle во кои го покажа своето совршено истренирано тело, а во едно интервју откри дека била шокирана кога Ник ја запросил по двомесечна врска.
Парот ја започна својата врска во мај 2018 година, а пејачката ја запроси на 19 јули истата година, ден по нејзиниот 36-ти роденден, додека беа на романтично патување на грчкиот остров Крит.
„Не очекував веридба во таа фаза од нашата врска. Бевме заедно два месеци! Мислев дека може да се случи, но сепак беше целосен шок за мене. Но, ја вратив контролата и само попуштив на сè“, изјави Пријанка.
Таа откри дека се познавале многу порано и како пријатели се дружеле повеќе од две години пред да започнат врска. Исто така, комуницирале преку пораки, а дел од неа сакала нешто посериозно.
“Но, во тој момент, исто така, направив пауза од мажите и не сакав ништо романтично. Сепак, секогаш имаше нешто во врска со Ник и затоа ние останавме во контакт без разлика каде се наоѓаа. И едно треба да знаете за мојот сопруг е дека кога ќе одлучи дека сака нешто, тој ќе го добие тоа! Кога знае, знае. И вие едноставно не можете да си помогнете со неговата самодоверба и едноставно да попуштите на крајот “, објасни Чопра.
Двојката се венчала во декември 2018 година, а во моментов имаат проблеми со времето поради работата, па затоа поставија едно правило. „Се гледаме на секои три недели. Без оглед каде сме во светот во тој момент, долетуваме еден кон друг, барем еднаш месечно и сме заедно неколку дена. Тоа е правилото што го поставивме кога се венчавме. Инаку, никогаш немаше да се видиме“, додаде актерка.
Инаку, Пријанка и Ник еднаш се пошегуваа дека на фотографиите што ги објавуваат на Инстаграм изгледаат како мајка и син.
