Џастин и Хејли Бибер во последните неколку месеци минуваат низ тежок период.
Извор за People откри дека парот се справува со многу здравствени проблеми, но дека се еден до друг и заедно се обидуваат да ги пребродат тешките моменти.
„Влошеното здравје на Хејли претходно оваа година и сега ова со Џастин е премногу за нив. Хејли е многу загрижена“, рекол изворот. „Како што Џастин направи се што можеше за да се грижи за Хејли, таа сега го прави истото за него“.
Изворот додава: „Тие се одличен тим и заедно ги поминуваат сите тешкотии. Џастин едвај чека да закрепне и да продолжи да работи“.
Да потсетиме, 28-годишниот пејач во видео на Инстаграм откри дека му бил дијагностициран синдромот Рамзи Хант, поради што има делумна парализа на лицето.
Во меѓувреме, 25-годишната Хејли, исто така, имаше здравствени проблеми на почетокот на оваа година кога беше хоспитализирана откако претрпе мал мозочен удар.
Пејачот (28) на Инстаграм откри и дека почнал да има проблеми со јадењето и ги замоли обожавателите да се молат за него за што побрзо да закрепне.
„Постепено ми станува потешко да јадам, што е крајно фрустрирачко, молете се за мене“, напиша тој на своите Инстаграм Stories во петокот, додавајќи емотикон со насолзени очи.
Бибер одложи три настапи оваа недела поради „болест што не е поврзана со COVID 19“. Тој првично требаше да има два настапи во Scotiabank Arena во вторник и среда, како дел од неговата светска турнеја Justice 2022, пред да замине во Capital One арената во Вашингтон D.C.
„Не ми се верува дека го кажувам ова. Направив се за да бидам подобар, но мојата болест се влошува“, напиша тој во објавата на својот Инстаграм Стори. „Срцето ми се кине што ќе морам да ги одложам следните неколку настапи (наредуваат лекарите)“.
Бибер им ветил на своите фанови дека надежта не е изгубена.
„Ќе закрепнам и ќе ги направам сите овие вежби за лице за да го вратам лицето во нормала и ќе се врати во нормала, тоа е само прашање на време“, увери тој.
Тој продолжи: „Не знаеме колку време ќе помине, но се ќе биде во ред и имам надеж и верувам во Бог и верувам дека сè се случува со причина и не сум сигурен што е во моментов. , но во меѓувреме ќе одморам. Ве сакам луѓе’.
