Гибсон е познат по проблематичното однесување пред и зад камерата.
Актерот и режисер Мел Гибсон нагло го прекина интервјуто откако беше прашан за инцидентот што се случи на Оскарите.
Гибсон го прекина интервјуто откако водителот Џеси Вотерс го праша за конфликтот меѓу Вил Смит и Крис Рок на Оскарите.
Можеби ова го разбирате подобро од другите, со оглед на тоа каква е вашата кариера. Што ќе се случеше ако вие го направевте тоа, дали ситуацијата ќе беше иста – праша Вотерс.
Актерот на тоа се насмеал со срам и дал знак дека не сака да одговори на прашањето, а потоа се вклучил и неговиот ПР менаџер кој рекол дека времето за интервју е истечено.
Гибсон е познат по проблематичното однесување пред и зад камерата.
Актерот беше уапсен во 2006 година под сомнение дека возел во алкохолизирана состојба во Малибу и им давал антисемитски коментари на полицајците, за што подоцна се извини, наведувајќи дека коментарите биле дадени „во момент на лудило“.
