Улогата на Барби и носи на актерката 12,5 милиони американски долари, со што го надмина претходниот хонорар од 10 милиони долари за филмот „Birds of Pray“ од 2020 година, во кој таа го отелотвори ликот на Харли Квин.Маргот Роби (32) и официјално е најплатената актерка во Холивуд оваа година благодарение на хонорарот за филмот „Барби“ во режија на Грета Гервиг (38).Улогата на Барби и носи на актерката 12,5 милиони американски долари. Ова го надмина претходниот хонорар на Роби од 10 милиони долари за филмот „Birds of Pray“ од 2020 година, во кој таа го отелотвори ликот на Харли Квин.
Рајан Гослинг (41), кој ја игра улогата на Кен во филмот, наводно заработува иста плата како и неговата колешка Барби, па така двајцата се изедначија на 16-то место на најновата листа на Variety за највисоки заработувачки во Холивуд.
Според оваа листа, ѕвездата од серијата „Stranger Things“, актерката Мили Боби Браун (18) е втората најплатена актерка која е платена 10 милиони долари за главната улога во филмот „Enola Holmes 2“.
На прво место е Том Круз (60) благодарение на неговиот блокбастер хит ‘Top Gun: Maverick’. Со оглед на тоа што Круз покрај главната улога е и продуцент на овој филм, тој би можел да заработи повеќе од 100 милиони долари од билети за кино, неговата плата и приходите од стриминг. По него следуваат Вил Смит (53) кој заработи 35 милиони долари за филмот „Еманципација“ и Леонардо ди Каприо (47) кој заработи 30 милиони долари за филмот „Убијци на цветната месечина“.
Неодамна, по четири месеци, заврши снимањето на филмот „Барби“. Тоа ќе биде првата филмска адаптација на приказната за најпознатата кукла во светот и треба да пристигне во кината во јули 2023 година. Роби најави дека филмот ќе биде поинаков отколку што публиката веројатно очекува.
Луѓето веднаш имаат претпоставки. „Ох, Маргот ја игра Барби, знам што е тоа.“ Но, нашата цел беше – што и да мислите, ние ќе ви дадеме нешто сосема друго. Она што не знаевте дека го сакате, рече Роби.
