Холивудската ѕвезда деновиве го промовира својот нов филм „Bruised“ и би рекле дека тоа го прави со одличен стил. Таа се појави на снимањето на „Jimmy Kimmel Live“, во секси облека, стилизирана од нејзината долгогодишна соработничка Линдзи Флорес.
Жената-мачка, за оваа пригода, наместо блуза облекла црно кимоно со златен принт и црно мини здолниште со реси – двете парчиња на шпанската дизајнерка Тереза Хелбиг.
Сомотското кимоно го носела отворено на градите, додека половината е прицврстена со црн, кожен ремен со златно копче, дизајнирано како змија која кружи по телото. Шик и секси изгледот е заокружен со пар црно-златни Casadei stiletto сандали и минималистички накит.
Својата бујна, волумска коса, благо ја израмнила, додека шминката и била во неутрални нијанси. Секако, оваа извонредна 55-годишна актерка има со што да се пофали, кога е во прашање нејзиниот физички изглед, а сето тоа е прикажано во нашата галерија.
