Со чаша вино и закуска, Мадона последниве недели го претопи својот живот на хартија, со помош на сценаристот Диабло Коди, познат по филмот „Џуно“. Ќе биде интересно да се види како нечиј мега возбудлив живот на американска пејачка, актерка и хуманитарец успева да се сумира во сценарио со ограничен број страници, т.е. два часа, колку што би требало да трае еден просечен документарен филм…
Рака на срце, само еден од стотиците интересни и интригантни сегменти од нејзината биографија го заслужува тоа време, како на пример, насилно исполнета љубовна врска со Шон Пен, тајна врска со рап sвездата Тупак Шакур или бурниот развод со Гај Ричи. Мажите во секој случај ќе играат важна улога во нејзиниот биографски филм, објави sвездата. Накратко сумирајќи ја главната идеја, Мадона откри дека ќе се справи со „тешкотиите на уметникот кој се обидува да преживее во светот на мажите“ и додаде дека филмот ќе допре до широк емотивен спектар: „радост, тага, лутина и лудило“. Не можеме да дочекаме!
