Кристијано Роналдо го прослави својот 36-ти роденден, а неговата партнерка Џорџина Родригез, на својата приказна на Инстаграм, ги покажа подароците што ги доби на неговата домашна адреса.
Меѓу многуте чанти и кутии, можеа да се видат некои од најскапите брендови во светот, како Луј Витон, Гучи, Прада, Лоев…
Џорџина се погрижи и нејзиното модно издание за роденденот на Роналдо да биде луксузно, па облече фустан покриен со монограм на Луј Витон, и влечки од иста марка.
“Имам 36 години, неверојатно! Се чувствувам како сè да започна вчера, но ова патување е веќе исполнето со авантури и приказни за паметење. Мојата прва топка, мојот прв тим, мојот прв гол … Времето лета!” Напиша Роналдо на својот Инстаграм со фотографија со семејството.
„Сега кога го славам својот 36-ти роденден и 20-та година од мојата професионална фудбалска кариера, жал ми е што не можам да ви ветам уште 20 години од ова. Но, она што можам да го ветам е дека сè додека можам, никогаш нема да добиете помалку од 100 проценти од мене! Ви благодарам уште еднаш за вашата поддршка, убави пораки и иницијативи во текот на овој ден. Тоа ми значи многу. Сите имате посебно место во моето срце”, додаде тој.
