Повеќето жени, и славни холивудски диви и ние „обичните“, редовно ја боиме косата кога ќе пробелее. Ова не е ништо чудно, ниту е новина, згора на тоа, стана толку пожелно, па дури и потребно. Сепак, има храбри дами кои не се вклопуваат во такви калапи, а меѓу нив има и актерки и кралици!
За почеток, Џенифер Лопез пред неколку години изјави дека еден ден едноставно ќе престане да ја бои косата. Сепак, таа сè уште не тргна по тој пат, но затоа тоа го стори шпанската кралица Летиција.
Последните години таа сè повеќе избегнува да се бои, а во нејзината коса се забележуваат бели прамени, што секако воопшто не ја намалува нејзината убавина и стил.
Актерката Џејми Ли Кертис одамна одлучи дека не сака да ја бојадисува косата. Еднаш изјави дека повеќе не сака да става хемикалии на главата.
„Влегувате во просторија и никој нема природна боја на коса, што всушност тоа кажува за нас?“, додаде Џејми.
Девојката на Киану Ривс, Александра Грант, на околу триесет години, како што признала и самата, дозволила природна промена – седава коса.
