Семејството на легендарниот актер Роберт Редфорд во моментов е во голема тага. Според американските медиуми, почина неговиот 58-годишен син Џејмс, кој со години се бореше со рак на црниот дроб. Како што откри во јавноста менаџерот на 89-годишниот актер, семејството го минува досега најтешкиот период. Смртта ја потврди и сопругата на покојниот продуцент Кајл.
Откако бил слободен некое време, ракот повторно се вратил пред две години. Додека чекал трансплантација на црн дроб кон крајот на минатата година, тој дознал дека неговата борба започнува повторно. Патем, Џејмс се борел со заболување на црниот дроб долги 30 години. „Ние сме скршени. Живееше прекрасен живот, многу ќе ни недостасува. Како негова сопруга цели 32 години, можам да кажам дека сум најгорда на нашите деца што ги одгледавме заедно. Не знам како ќе го преживеев сето ова без нив “, напиша Кајл на Твитер. Двојката ги има 29-годишниот Дилан и помладата Лена.
Џејмс ја направи својата прва трансплантација на црн дроб во 1999 година, за која верува дека му го спаси животот и за кој го сними документарниот филм „Љубезноста на странците“. „Целата приказна ми покажа колку сум среќен што ја имав таа можност. Ме натера да размислувам и знаев дека мора некако да му помогнам на целиот систем за донирање органи. Затоа е направен овој филм“, изјави покојниот Џејмс во една прилика.
