Војводата од Единбург почина на 99-годишна возраст, само неколку месеци пред неговиот 100-ти роденден. Сопругот на британската кралица ја доби оваа титула по нивната венчавка во 1947 година – и сега ќе му биде дадена на друг претставник на Виндзор.
Принцот Филип не стоеше во редот за кралскиот трон, па принцот Чарлс е сè уште прв во редот за наследство. Официјално, оваа титула треба да биде прифатена од принцот Чарлс, како најстар син на Елизабета Втора, за што сведочат податоците на британската хералдичка комора. Но, овој пат традицијата ќе биде прекината – по иницијатива на самиот принц Филип.
Едвард, најмладиот син на кралицата се ожени во 1999 година и ја доби титулата Ерл од Весекс. Принцот Филип и Чарлс се согласија дека Едвард ќе ја наследи титулата по смртта на принцот Филип.
Сепак, тоа нема да се случи сè додека самиот принц Чарлс не стане крал – и од тој момент Едвард ќе стане војвода од Единбург.
