Кијану Ривс го снима долгоочекуваното четврто продолжение од франшизата „Матрикс“ од почетокот на летото во Берлин, а деновиве на снимањето му дојде крајот. За време на целиот ангажман, тој е придружуван од неговата 47-годишна девојка, уметницата Александра Грант, која некое време се пресели во Германија со него. National Enquirer пишува дека и двајцата се лудо заљубени и за време на Божиќните празници, 56-годишниот актер се подготвувал да клекне пред неа и да го постави судбоносното прашање.
„Можеби ќе се венчаат во Германија. За време на снимањето, таму одлично се забавуваат, живеат во еден вид на изолиран апартман, додека е во сила карантинот во таа држава, што силно ги зближи. Тие се усогласија на сите нивоа и нивниот однос се продлабочи“, откри извор близок до нив. „Кијану им кажува на своите пријатели дека е подготвен да ја запроси и веројатно околу празниците, тој ја смета Александра за сродна душа. Сите се среќни за нив и само чекаат да ги објават големите новости“.
Да потсетиме, Кијану ги изненади сите во ноември минатата година кога се појави со Александар на галата „LACMA Art + Film“ во Лос Анџелес, не криејќи го својот љубовен поглед. Сепак, многу обожаватели во тоа време „без влакна на јазикот“ ја критикувале неговата избраничка, тврдејќи злобно, заради нејзината сива коса, таа изгледала како негова мајка.
