Кери Андервуд (39) блесна на синоќешните Греми награди во Лас Вегас.
Пејачката се појави во златен фустан на Долче и Габана со зашиени кристали во кој буквално блескаше и ги пленеше погледите цела вечер.
На доделувањето на престижните награди таа пристигна со сопругот Мајк Фишер, кој и се придружи во креацијата на Долче и Габана. Кери и Мајк навистина изгледаа како пар од бајките.
Нејзиниот сопруг, поранешен хокејар, и е голема поддршка, а овој пат и дозволи да биде во центарот на вниманието оваа голема музичка вечер. Мајк и Кери се запознале преку заеднички пријател по еден од концертите на Кери.
Стајлингот беше надополнет со висечки дијамантски обетки De Beers, а кога е шминката во прашање, таа како и секогаш се одлучи за smokey eyes изглед кој одлично дојде до израз.
Познатата кантри пејачка синоќа ја понесе наградата Греми за нејзиниот госпел албум „My Savior“.
Што се однесува до нејзиниот стил, таа е верна на карактеристичните комбинации на кантри пејачката. Тоа значи дека сака да носи блескави ѓердани, обетки и други висечки видови накит. Иако ваквиот стил не е популарен оваа сезона, Андервуд одлично го комбинира со основните бои и едноставните фризури.
Исто така, забележуваме дека дијамантскиот накит и светки во поедноставни комбинации се многу вратени во мода.
