Влеговме во преоден период во кој можеме да комбинираме лесни летни фустани со обувки резервирани за постудените денови, а таква комбинација неодамна прошета американската манекенка Кендал Џенер. Риалити sвездата се упати на вечера со момчето Девин Брук облечена во минималистичка креација која совршено ѝ прилега на витката фигура и чизмите чија популарност нема да опадне ниту оваа есен. Едноставниот, но шик изглед на младата убавица и донесе чиста петка, а ние најдовме слични парчиња со кои можете лесно да ги копирате…
Нема кој не се свртел , да ја погледне поубаво Кендал Џенер кога шетала по улиците на Малибу во друштво на партнерот Девон Брук, сето тоа благодарение на генијалниот стајлинг кој е невозможно да се пронајдат недостатоци.
Популарната 25-годишна ТВ sвезда често посегнува по минималистички парчиња и ги комбинира со модни додатоци, па затоа не е изненадувачки што овој пат состави таква облека-идеална и за преодната сезона.
Главната улога ја имаше беж фустан со отворен грб со потпис на брендот од Лос Анџелес Anemos. Овој модел на фустан е непогрешлива модна инвестиција бидејќи може да се носи на мал милион начини и во секоја пригода.
Со цел да ја прилагоди својата летна креација на малку пониски температури, еден од најуспешните модели на денешницата посегна по каубојски чизми од многуте омилени њујоршки брендови Khaite.
Дека овој модел на обувки нема да се заборави во наредните месеци, освен Кендал Џенер, потврдија и бројни модни имиња кои им посветија посебно внимание во своите колекции за претстојната сезона и лансираа никогаш поубави модели за сечиј вкус.
Како ,,јаготка на шлагот” на ова издание дојде кожената торбичка со џебови зад која стои американскиот бренд By Far. Модниот додаток по име Били ги маѓепса познатите дами и светски трендсетерки.
