Познатиот холивудски актер Кевин Костнер и неговата сопруга Кристин Баумгартнер се разведуваат по 18 години брак.Како што пренесува CNN, манекенката поднела барање за развод, наведувајќи ги како причина „непомирливите разлики“, објаснувајќи дека повеќе не може да замисли заеднички живот со познатиот актер …
Кристин Баумгартнер, сопругата на 68-годишната холивудска ѕвезда Кевин Костнер, поднесе барање за развод, јавува CNN.Разделбата наводно се должи на разликите што ги имаат сопружниците, а 49-годишната манекенка и модна дизајнерка побарала заедничко старателство над нивните три деца, 15-годишниот Кејден, 14-годишниот Хејс и 12-годишната ќерка Грејс.
Се појавија околности надвор од негова контрола, што резултираше со тоа што господинот Костнер мораше да учествува во разводот со голема тага“, се вели во изјавата на портпаролот на Костнер за медиумите.
„Бараме да се почитува неговата на Кристин и приватноста на нивните деца додека минуваат низ овој тежок период“, се заклучува во соопштението.
Првата голема љубов на ѕвездата од филмот „Телохранител“ беше Синди Силва, девојка која во тоа време работеше како Снежана во Дизниленд. Тие се запознале во 1975 година, а три години подоцна својата љубов ја крунисале со брак и станале родители на две ќерки, Ени и Лили и синот Џоел.
За време на нивниот брак, холивудскиот актер имал различни афери, како онаа со Хали Бери во 1989 година.
Синди беше покрај него во текот на сите негови подеми и падови, па дури и за време на снимањето на „Танц со волците“ ги пресели своите деца во приколка на сетот за да можат да бидат поблиску до него, но по 16 години парот сепак одлучи да се каже „збогум“.
Разводот беше финализиран во 1994 година, а медиумите објавија дека Костнер на поранешната сопруга и платил 80 милиони долари, што се смета за еден од најскапите разводи во Холивуд.
Во средината на 90-тите го поврзуваа со многу убавици, меѓу кои и супермоделите Наоми Кембел и Карла Бруни, а потоа започна врска со Бриџит Руни, со која доби уште едно дете, синот Лијам, но тие раскинаа многу брзо по раѓањето на момчето.
Пресудна беше неговата афера со австралиската манекенка Ел Мекферсон, но и таа романса не траеше долго. Конечно, во 1998 година, тој се вљубил во 18 години помладата Кристин Баумгартнер, која ја запознал кон крајот на 80-тите, кога бил во првиот брак.
Двојката се венча на 25 септември 2004 година, на неговиот ранч во Аспен. Пристигнале кај свештеникот со кочија на коњи, а по церемонијата со кану ја однел сопругата на прошетка низ езерото. Потоа се преселиле во луксузна вила од 1200 метри квадратни во Лос Анџелес со две тениски игралишта, базен и огромна градина, пишува US Magazine.
Пред свадбата извесен период раскинаа бидејќи актерот не сакаше повеќе деца.
Сепак – на крајот попушти. Првиот син Кејден се роди во 2007 година, а Хејс пристигна две години подоцна. Ќерката Грејс е родена во 2010 година. Денеска познатиот оскаровец има седум деца со три различни жени, а само три месеци откако го прослави 68-от роденден, остана сам.
