Убавата Џулија Фокс ја замени Ким Кардашијан, а со Канје Вест се појави на модната недела во Париз.
Канје Вест и Џулија Фокс, убедливо најпопуларниот пар од почетокот на годината, продолжуваат да уживаат во својата врска патувајќи низ светот. Последна станица? Франција. Поточно, машката модна недела во Париз, каде штотуку се одржа ревијата на Кензо за есен/зима 2022/2023 година.
Рапер и дизајнер и актерка и концептуална уметничка, свесни за огромното медиумско внимание што го предизвикуваат, им приредиле изненадување на камерите кои со нетрпение го очекувале токму овој момент.
Првото заедничко појавување во јавноста го следеше трендот што го поставија Џенифер Лопез и Бен Афлек – координирана облека што одговара. Во случајот на Канје Вест и Џули Фокс, тоа биле целосно тексас модни комбинации.
Додека поранешниот сопруг на Ким Кардашијан носел црни чизми со дебел ѓон преку фармерки, јакна со копчиња и очила за сонце и црни ракавици, Џулија Фокс го засени комплетот Скјапарели составен од тексас карго панталони со низок струк и тексас џек со кратки ракави. Интересен детаљ е градникот што неодоливо потсетува на оној кој Жан Пол Готје го создаде за Мадона во 1990 година.
Покрај впечатливата облека и убавината која никого не остава рамнодушен, Џулија Фокс имала и драматичен фараонски мејкап изглед.
Ќе успее ли овој пар да ја надмине популарноста што ја имаа Ким и Канје? Останува да видиме.
