Новиот документарец ја следи петгодишната борба на Шер за спас на Кааван.
Шер веројатно никогаш не замислувала дека ќе учествува во спасувањето на слон тежок 4 тони од пакистанската зоолошка градина. Но, кога на Твитер го виде хаштагот #FreeKaavan, директно го повика бизнисменот Марк Каун, кој и рече дека има искуство со „движењето“ на слоновите во Африка.
Потоа започна нејзината петгодишна борба за спас на Кааван, која беше прикажана во документарниот филм „Cher and the Loneliest Elephant“. Каун се согласи да патува во Пакистан по една недела и оттогаш и во следните пет години, Шер успеа преку преговори со владите на трите држави за време на пандемијата и со нова судска одлука во Пакистан да го спаси слонот.
Кааван, опишан како најосамениот слон, е роден во 1985 година во Шри Ланка и бил подарен на ќерката на пакистанскиот премиер. На крај, слонот заврши во зоолошката градина во Исламабад, каде е малтретиран, окован без доволно храна и вода. Партнерот со кого го делел кафезот почина во 2012 година, оставајќи го Кааван сам. Слонот станал депресивен, развил дебелина и чудно однесување што го покажал очајот што го доживувал.
Неговата приказна стана позната кога во 2015 година, Самар Кан, ветеринар од Америка, ја посети зоолошката градина и, гледајќи ја состојбата на Кааван, реши да започне кампања на социјалните мрежи за негово ослободување.
За време на обидот на Шер да го спаси, претставниците на зоолошката градина, кои првично не беа заинтересирани да разговараат со неа, се согласија да му дадат повеќе вода. Подоцна, Шер ја објави песната Walls за да ја подигне свеста за случајот на Кааван и ја создаде непрофитната фондација Free The Wild.
Но, придонесот на пакистанскиот адвокат Овеис Аван стави крај на тортурата врз слонот. Аван побара ослободување на слонот во судска постапка против зоолошката градина и успеа да победи со поставување судски преседан, значителна победа за правата на животните во Пакистан.
Кааван на крајот бил префрлен во светилиште за диви животни во Камбоџа, каде бил надгледуван од тим експерти за да се справи со неговите физички и психолошки проблеми. Шер дури го придружувала на патувањето и оттогаш го гледала често преку видео повик.
Погледнете го трејлерот за „Cher and the Loneliest Elephant“
