Нејзиниот сопруг поднел барање за развод и се заканува преку адвокат,а безгрижната пејачка не крие што мисли деновиве.
Американските медиуми синоќа објавија дека поп принцезата Бритни Спирс се разведува од Сем Асгари, по само една година брак, а сега доаѓа потврда дека на нивната среќа и дојде крајот.
Асгари како причина ги наведе „непомирливите разлики“, пишува TMZ, во кој исто така се наведува дека тој бара пејачката да му исплати брачна издршка и адвокатите кои ќе го застапуваат во случајот за развод.
Во поднесокот се наведува дека Сем и Бритни се разделиле на 28 јули, а адвокатот на Асгари, Нил Херш, навести дека фитнес тренерот може да се обиде да го оспори предбрачниот договор што го потпишал пред венчавката.
- Допрва треба да ја утврди целосната природа и обемот на посебните средства и обврски на секоја страна – се нагласува во соопштението.
Page Six тврди дека Сем Асгари наводно бара да преговара за условите на предбрачниот договор за да ги премолчи деталите од приватниот живот на Бритни Спирс.
– Сака да преговара за отстапки надвор од предбрачниот договор и се заканува дека ќе излезе во јавноста со крајно засрамувачки информации за Бритни доколку не му биде платен – тврди упатен извор близок до поранешната двојка. – Значи Сем е фокусиран на тоа.
Сепак, Бритни ја ангажираше адвокатката Лора Васер, за која е познато дека е многу успешна во случаите на развод и веќе застапуваше многу познати личности.
Веќе некое време се шпекулира дека бракот на Бритни Спирс не бил полн со рози, дека живеат одвоено, а неколку извори сега тврдат дека пејачката го изневерувала својот сопруг.
Откако беше објавено дека се разведува, таа се огласи на Инстаграм за да објави дека планира да купи коњ и според сите сметки се чувствува одлично, иако има голема грижа: точно која да ја купи – кобилата Софи или коњот Рика.
Бритни Спирс и Сем Асгари се запознаа на снимањето на спот во 2016 година и набрзо станаа пар. Фитнес-тренерот и беше огромна поддршка на поп-ѕвездата во годините кога беше под старателство на нејзиниот татко и тим адвокати, како и во процесот на нејзиното ослободување, а се венчаа во замокот на Бритни во 2022 година.
