Холивудските икони како Мерилин Монро, Одри Хепберн и Елизабет Тејлор имаа многу трикови за шминка и нега на кожата што вреди да се додадат во режимот за убавина.
Од класични црвени усни до “направете го сами” за нега на кожата, можеме да им се заблагодариме на ѕвездите на стариот Холивуд за бројните совети за убавина, трикови и техники.
Нивниот гламур и елеганција секогаш ќе бидат почитувани – и имитирани – што ги прави модели со безвременска убавина.
Откриваме пет испробани тајни за убавината на овие филмски икони.
ОБРНИ ВНИМАНИЕ НА ДЕТАЛИТЕ
Без разлика дали правите cat eye или сакате совршена маскара, потребна ви е прецизна рака. Шминкерката на Одри Хепберн беше позната по макотрпното раздвојување на секоја трепка по нанесувањето на маскара за да се направи Одри да изгледа како срна.
ГРИЖА ЗА КОЖАТА
Ако навлажнувачите и кремите не помагаат, не барајте подалеку од вашата кујнска остава. Меј Вест го припишуваше својот младешки сјај на кокосово масло, додека Софија Лорен користеше маслиново масло.
ФОКУСОТ Е НА УСНИТЕ
Целосно црвените усни на Мерилин Монро се веројатно еден од најпрепознатливите beauty изгледи на тоа време (и на сите времиња). Нејзината шминкерка, наводно, користела пет различни нијанси на кармин – потемна околу рабовите и посветла во средината – за усните да изгледаат поголеми.
СУПТИЛНА КОНТУРА
Со текот на годините, контурирањето на лицето доби популарност и сите техники за обликување на лицето започнаа со „лесна рака“. Грејс Кели користеше само руменило за таа намена, нанесувајќи потемна нијанса под коските и посветла на образите. Во меѓувреме, старата холивудска актерка Керол Ломбард ќе нацртала права линија со бел молив за очи под мостот на носот, нагласувајќи го врвот и правејќи го поредовно.
МАЗНА КОЖА
Младешкиот тен на холивудските актерки беше обезбеден без филтрите што ги имаме денес. За да го постигне својот беспрекорен тен, Елизабет Тејлор редовно го бричеше лицето за да ги отстрани ситните влакненца.
