Интернетот отсекогаш било необично место, кое станува се почудно од минута во минута…
Така, ни се чини, барем, кога ќе го погледнеме најновиот инцидент со популарната тајванска стримерка. Венг Џиминг, поранешен член на кинеско-малезиската поп-група AMOi-AMOi, е добро познат во Тајван. Сепак, пред неколку дена, таа успеа да ги разбуди социјалните мрежи, особено Twitch, кога се стримувала себеси спиејќи пет часа, што можеа да го видат сите нејзини обожаватели.
Неверојатно е фактот што илјадници луѓе се вклучија за да набљдуваат личноста која не прави ништо друго освен спиење. Сепак, можеби за нив било интересно да ја видат наместо да седи на своето биро да игра видео игри и да разговара со нејзините обожаватели, сега таа одлучила да лежи комфорно во кревет.
Таа, наводно, се најавила на својата социјална мрежа Twitch околу пет попладне и спиела „добро“ до десет часот навечер. Откако се разбудила, ја воодушеви фактот што привлече толку голем број на гледачи, со 11.200 истовремено во најпопуларниот дел од стримот. Исто така успеала да заработи 3000 долари, како еден вид донација, заедно со приходите од рекламирање поради толку голема посетеност.
Сега дојдовме до делот каде се прашуваме зошто многу луѓе го гледаа овој потфат како нешто интересно. Дали обожавателите се прашувале себеси дали таа навистина спиела? Чекате да стане и да седне пред компјутерот? Или, тие едноставно уживале во сцената на спиење Ванг, коментирајќи ја нејзината позиција на спиење, моделот на дишење или нешто слично?
Во секој случај, слободно можеме да кажеме дека Ванг им ја отвори вратата на сите луѓе кои сакаат да заработат пари на навистина лесен и сосема поинаков начин.
