Во клубот Off Ramp во Сиетл, на денешен ден во 1990 година, новоформираниот бенд Mookie Blaylock за прв пат свирел пред публиката. Што не би било толку интересно за никого, доколку наскоро не потпишале договор со „Epic Records“, каде го промениле името во Pearl Jam.
Еди Ведер подоцна раскажал како бендот бил преименуван по неговата прабаба Перл, венчана со Индијанец кој имал специјален рецепт за џем од пејота кактус. Токму кога сите веруваа во приказната, Ведер признал дека таа е целосно измислена и дека членовите на бендот се согласија за името по концертот на Нил Јанг.
Сепак, првиот албум на „Ten“ Pearl Jam, е објавен во 1991 година, под силно влијание на класичниот рок. Тие пееја за депресија, самоубиство, осаменост и убиство. До средината на 1992 година, продажбата им била слаба, а потоа нагло скокнала. Pearl Jam стигна до второто место на листата на Билборд и се здобил со непосредна популарност.
Тие неодамна ја објавија својата најнова песна „Get It Back“, а вчера тие прославиле 30 години од својата кариера.
Ако времето беше нормално, веројатно групата ќе го обележеше со нов концерт, но тие за своите фанови подготвиле специјален стриминг на нивна свирка во Филаделфија, 2016 година.
Овој перформанс, веројатно најдобриот во нивната кариера, обожавателите ќе можат да го гледаат за прв пат, доколку се подготвени да одвојат 15 долари за тоа.
