Пејачката Никол Шерцингер ја носи титулата една од најубавите жени во холивудската индустрија, а сепак никогаш не била најсреќна во љубовта.
Поранешната фронтменка на „Pussycat Dolls“, Никол Шерцингер, денес гордо ја носи титулата една од најатрактивните жени во Холивуд.
43-годишната убавица е во врска од 2019 година со седум години помладиот Том Еванс, шкотски рагбист. Имено, тие се запознале во шоуто „The X Factor: Celebrity’“ во кое таа била член на жирито покрај Сајмон Кауел и Луис Волш. Том се натпреварувал заедно со своите колеги, спортистите Бен Фоден и Леви Дејвис, а заедно го формирале бендот „Try Star“ кој заврши на петтото место.
Никол во шоуто често флертувала со Еванс и „полудено“ ги забавувала гледачите за време на еден од неговите настапи, каде сценски ја соблекувал кошулата, натопувајќи го телото со вода. Двојката првпат е видена во ноември 2019 година како се бакнуваат во еден лондонски бар, а врската ја потврдија во јануари 2020 година кога заедно дошле на забава по доделувањето на Златните глобуси.
И иако сите би помислиле дека оваа убавица без проблем наоѓа партнери и дека сите ја држат во дланката како капка вода, сепак во минатото таа немала многу среќа во љубовта. Имено, таа била во врска со тенисерот Григор Димитров, кој е познат како голем женкар, а истото се испостави и спрема неа. Имено, тие биле заедно три години, но наводно нивната врска била далеку од идеална, бидејќи често ја изневерувал. Освен тоа, таа посакала брак додека Димитров не бил подготвен сериозно да ја одликува врската, всушност јавно изјави дека не сака да го дели животот Шерцингер.
Пред Бугарскиот тенисер, излезе повредена од седумгодишната врска со Формула 1 возачот Луис Хамилтон. За раскинувањето е крив Луис бидејќи пејачката никогаш не била на врвот на неговите приоритети, а фрапантната изјава секако „долеало масло на огнот“ кога јавно кажа – „Автомобилите се мои бебиња. Еднаш ѝ реков дека мојата девојка ќе мора да прифати дека е на второ место, после автомобилот“, додаде тој.
Сепак, на сите може да им биде жал што во животот ја загубиле оваа убавица. Таа пред неколку дена се појави на еден настан, а апсолутно блесна во бел костум кој и прилегаше повеќе од совршено. Изгледа дека жената не старее, а нејзината егзотична убавина ги плени погледите каде и да се појави.
И иако денес може да си дозволи сè што ќе посака, работите не биле отсекогаш толку идеални. Имено, нејзините родители не можеле да го платат нејзиното образование, па таа морала сама да заработува за леб. Продавала различна козметика, пеела опери во италијански ресторан, па дури и дарувала крв за да добие пари.
„Бев најсиромашна додека студирав. Дарував крв за да добијам пари“, отворено призна и додаде дека нејзиниот најчест оброк во тоа време биле палачинки со вода бидејќи биле евтини и заситувачки. „Го сакам моето семејство многу, но никогаш не сум имал некој да ми купи автомобил или да плати за часови по пеење или танцување. Сè постигнав сама, со моја работа и труд“, изјави Никол.
